Nú er margt búið að ganga á í sveitasælunni. Hesthúsið er nærri fullt og mikið riðið út. Við sjálf erum þó ekki með nema 8 hesta inni. Andrína er með 7 eins og er, Vilborg með 4 og Kata með 2. Með hóp af svona valkyrjum er ekki við öðru að búast en að mikið gangi á í hestamennskunni

Eitthvað hefur fækkað í stóðinu hjá okkur þar sem Birta, Breki, Torfi og Klerkur eru öll seld og farin frá okkur. Svo hef ég neyðst til að taka þá ákvörðun að selja hann Storm minn   en það er víst þannig í ræktun að maður getur ekki átt allt sem mann langar.  Það hefur mikið verið spurt um hann og verður líklega ekki erfitt að finna fyrir hann góðan eiganda

Síðasta miðvikudag var dagur tvö á reiðnámskeiði hjá Magga Lár hér hjá okkur. Þessi maður er hreinlega frábær kennari og mikill viskubrunnur sem gaman er að dýfa sér í. Námskeiðið er fullsetið með 12 námsfúsa sveitunga sem bulla og hlæja út í eitt

Fyrir viku komu amma og afi strákanna minna í heimsókn með Sævar litla bróðir þeirra mér sér. Honum finnst ægilega gaman að koma í sveitina og ætlaði helst ekki að fara aftur heim   Algjört krútt.  Hann fékk að fara á hestbak og varð hún Bára okkar fyrir valinu til að bera svona merkilegan gest. Honum fannst mjög sniðugt að heyra það að þau eru jafn gömul. 



Hún fékk að sjálfsögðu koss að launum



Sævar spurði svo hvort hann mætti eiga Púka og þegar ég sagði nei spurði hann hvar ég hefði keypt hann




Hún Vænting veiktist um daginn, fékk stíflu og á endanum fengum við dýralækni til að koma og laga hana fyrir okkur. Hún er alsystir hennar Perlu og við vorum ekki tilbúin að taka neina sénsa með þessa dömu.

Hér er hún sem folald að leika sér úti í haga, feit og pattaraleg en fótaburðurinn í góðu lagi



Hún verður þriggja vetra í vor og þótti þetta gums sem við vorum að troða í hana ekkert gott



En hún fékk á endanum nærri 2 lítra af parafínolíu, slakandi sprautu og verkjastillandi. Daginn eftir skildi hún bara ekkert í því af hverju hún fékk svona lítið að éta hjá okkur    orðin svona hress og fín og búin að fylla stíuna sína af skít sem Sindri dansaði stríðsdans í kringum af gleði

Við erum orðnir stolltir eigendur að 5 gemsum. Þeir fengu folaldastíuna í heshúsinu fyrir sig svo það er ekki hægt að kvarta undan þrengslum þar   Það verður semsagt sauðburður hér í vor.



Ég er greinilega mjööööög skrýtin 



Svo stækkar hann Spotti litli á fullu. Hann er rétt um 5 mánaða gamall í dag og við verðum að passa okkur á kröfunum og muna að hann er bara hvolpur ennþá. Hann er ægilega duglegur og hlýðinn lítill pabbastrákur. Það tók okkur örstutta stund að gera hann húsvanan og hann gætir þess vel að fylgja okkur í einu og öllu. Vill ekki missa af neinu og skælir voða voða sárt ef Sindri fer út án hans

Hér er hann dauðþreyttur að kvöldi dags að safna kröftum fyrir nætursvefninn



Litla dekurdýrið hans Sindra